"Batambah kurang aja Adiak yo. Maso iyo indak buliah, tapi sajaleh tu Adiak tulih-an waifi perai di kadai ko. Tu Adiak kecek-an pulo indak buliah. Awak tanyo elok-elok baliak yo, sabalun tabik rabo Awak baliak. Apo kode masuak waifi kadai Adiak nan perai ko?" tanyo Awak baliak sambia manahan emosi.
"Iyo Pak. Indak buliah, Pak. Apak tulih sajo lah di kotak ka masuak tu indak buliah. Bisa masuak mah Pak," keceknyo manjawek nan tampak mulai katakutan.
"Woi kalepor dek Adiak. Dari tadilah Adiak sabuik bahaso kode masuak tu indak buliah," kecek Awak marabo sambia manyuruak-an malu Awak.
Advertisement
Scroll kebawah untuk lihat konten
"Iyo Apak nan indak manggarati. Jaleh dari tadi ambo jawek bahaso kode masuak tu adolah indak buliah. Jo bahaso Minang sajo Apak indak juo manggarati, apolai kok jo bahaso Inggirih," kecek Adiak nan punyo kadai tu manyipak Awak baliak. Dek malu muko, langsuang sajo Awak kalua indak jadi makan lontong pagi lai.
