"Apo kecek Awak tu? Kini Awak sarius tampaknyo batanyo yo. Baa mangko baitu pulo tanyo Awak kini?" baleh Pak Pangurus mulai tapanciang sarius jo tanyo Awak.
"Pak pangurus, manjadi imam tu rasonyo adolah sabagai ibadah wajib kan? Bantuak itu pulo manjadi khatib jo manjadi jamaah salat Jumat adolah satu kasatuan sabagai ibadah salat Jumat. Kalaunyo ibadah wajib bantuak itu, apoko bisuak suatu kutiko ado jamaahnyo langang, buliah pulo ndak jamaah Jumat tu kito bayia supayo rami musajik Awak ko. Sarupo itu pulo, bisuak mungkin pulo garim musajik Awak nan sadang bapuaso bisa pulo maminta bayia ka pangurus musajik Ndak?" kecek Awak mambuek pak pangurus musajik tu jadi tamanuang.
"Itu kan honor sabagai penceramah Jumat mah Wak," jawek Apak pangurus manjaleh-an jo logika.
"Kok baitu pandapek Awak bia bisuak Ambo rundiang-an dulu jo Pangurus nan lain dih," kecek Pak Pangurus sambia maurak selo untuak pulang ka rumah dari musajik. Ehe Awak ditingga-an sajo surang diri.
