"Ambo kan berang ka urang nan indak hadirnyo mah," kecek Pak Ketua RT mambela diri.
"Tapi nan Pak Ketua RT berangkan tadi adolah kami nan hadir ko. Kok bantuak iko caro Pak Ketua RT berang, patuiklah rancak bagi urang nan indak datang lai. Sabab nan Pak Ketua RT berangkan selalu ka urang nan rajin datang bantuak kami ko. Makonyo, tantu sajolah tiok rapek tiok bakurang urang nan datang, karano nan ka kanai berang adolah salalu urang nan rajin datang. Kok bantuak iko, pado rapek nan katibo pastilah ka bakurang baliak urang nan datang," kecek Awak ka Pak Ketua RT sambia maangkek kerah baju Wak.
"Memangnyo siapo tu nan indak ka datang rapek diundur bisuak?" tanyo Pak Ketua RT agak heran. Langsuak Awak manjawek.
Advertisement
Scroll kebawah untuk lihat konten
"Pak Ketua RT, nan indak ka datang rapek bisuak adolah Awak sarato jo kawan nan duo baleh urang lai ko ah. Labiah rancak indak hadir dari pado diberangkan," jawek Awak sambia bubar rapek diikuti dek kawan-kawan. Pak Ketua RT tapango dek ditingga-an surang diri.
