"Kalau itu, Ambo makin indak satuju. Malah makin berang Pak Lurah ka kito beko kalau maisi absen tu," kecek Awak mambuek kawan tu makin binguang. Awak patele Kawan tu dek kapatang lah mampadalam kaji baliak jo Apak nan ahli bahasa di UNP tu.
"Awak, kini tolong bajaleh-jaleh sajolah jo ambo. Apo mukasuik Awak nan indak sampai ka Ambo. Kok co iko iyo batambah naiak spaning Ambo mah," kecek Kawan wak tu mulai marabo.
"Kawan, tananglah dulu. Ambo jaleh-an sacaro bahaso yo. Supayo awak indak salah tarui. Nan batua adolah kito pai maisi daftar hadir. Kalau daftar hadir kito isi, baru sanang hati Pak Lurah. Tapi kalau kito maisi absen tantu tacatat bahaso kito indak hadir. Tantu berang Pak Lurah ka kito," kecek Awak bajaleh-jaleh.
Baru mulai sanang hati Awak. Kini mulai tarang bahaso ko dek Awak karano kapatang lah Awak dalami pulo kaji baliak ka Apak ahli bahasa di UNP tu. Makonyo, makin Wak angkek baliak kerah baju Awak ko.
