"Iyo Bunda. Iyo," jawek Wak singkek.
"Ah iyo ruponyo kan? Iyo Ayah alah babini ciek lai kironyo. Onde Ayah ai. Iko bisa gilo Bunda jadinyo mah. Awas Ayah yo. Kalau Ayah pulang, lalok Ayah di lua yo," kecek bini Wak batambah mancarotet.
"Onde Mak yai. Indak ado do Bunda," kecek Wak baputa-puta dakek meja sambia mancubo managak-an kerah baju Wak nan alah layua sajak tadi. Ehe kiroe kunci oto Wak nan ilang tampak talatak di ateh meja. Baru tabik sumangaik Wak baliak.
Advertisement
Scroll kebawah untuk lihat konten
"Kini tasarah Ayah sajo lai. Apo Ayah ka pulang atau indak, yo tasarah Ayah sajo lai," kecek bini Wak mambuek paruik Wak makin manggarumeh.
