(2) KURENAH AWAK
Awak Takicuah, Dek Arok Tangkelek Murah
Dek awak sadang esmosi gara-gara panggaleh di kadai tangkelek kalepor tadi, kok indak saba yo namualoh naiak kastrol awak. Baru sajo masuak tangah pasah tadanga loh panggaleh kaki limo manjua tangkelek murah.
"Diak, bali tangkelek ciek. Iyo tujuah ribu haragonyo ko Diak. Dijuah murah kalau hari lah patang ko yo," kecek awak sambia maagiahan piti tujuah ribo pas, nan panggaleh tu nyo nyonyoak-an pulo bungkui tangkelek tu.
"Oi adiak kalepor. Baa caro waang manggaleh ko. Tabik suga jo esmosi den dek waang ma. Maso iyo tangkelek ciek sabalah kida waang bungkui ko. Nan tangkelek subalah suok manonyo buyuang kalera," kecek wak nan indak tantu kadisabuik lai sambia maangkek kerah baju wak.
"Pitih Uda tujuah ribu tadinyo, tantu dapek cieknyo tangkelek tu. Kalau pitih Uda ampek baleh ribu, baru Uda dapek tangkelek duo buah, suok jo kida," kecek panggaleh tu mambuek awak tamanuang di tangah pasa tu.
