(7) KURENAH AWAK
Ermanto Tolantang
Kanai Buransang Tukang Cukua, Wak Mintak Potong Panjang, Malah Botak Jadinyo
Rasonyo hari tadi yo hari paudi bana dek waknyo. Kok pagi tukang ojek nan mamberangkan awak. Kok siang tadi biniloh nan manyuruah wak mamasak surang. Supayo kapalo ko indak sakik bana, mako malam ko wak potong sajo lai rambuik wak ko ka tukang guntiang. Baru wak taduduak, nyo tagak-an langsuang kerah baju wak.
"Baru adiak nan barani, managak-an kerah baju Uda mah. Yo hebat adiak yo. Sabalun adiak guntiang rambuik wak, ko upahnyo dulu adiak tarimo. Upah harus adiak tarimo sabalun kaluah paluah. Kok takalok Uda sadang baguntiang beko, jaan adiak jagoan," kecek wak ka adiak tukang cukua tu.
"Uda guntiang panjang sajo. Kalau guntiang pendek tu bantuak urang tuo bana Uda beko," jawek wak sambia mato mulai mangantuak.
***
Baru sajo wak tajago, kiroe rambuik wak lah potong pendek hampia botak kapalo wak. Takajuik lah wak jadinyo. Tadi wak mintak potong panjang, kok lah pendek jadinyo.
"Woi Diak. Lai ndak sasek adiak mengguntiang rambuik Uda ko. Lai tadanga kecek Uda tadi. Uda mintak potong panjang sajo. Baa mangko lah hampia botak sajo kapalo Uda ko. Lai indak kanai turiak talingo adiak tadi ko. Yo lah kalepor Adiak lai. Yo lah sasek adiak mah. Baliak-an piti Uda baliak," kecek awak satangah burangsang.
