Ermanto Tolantang: KURENAH AWAK (18)

(18) KURENAH AWAK

Ermanto Tolantang

Pak Ketua RT Mamberangkan Urang Indak Hadir, Tapi Ka Kami Berangnyo

Walaupun rapek lah diundur dek Pak Ketua RT salamo satangah jam, nan tokoh masyarakat diundang ko indak kunjuang juo tibo. Tampaknyo iyo sado nan tibo juo nan datangnyo. Iyo tigo baleh urangnyo dari ampek puluah urang nan diundang Pak Ketua RT.

Baca juga: Peran Media Sosial dalam Memperkuat Kesadaran Hukum di Indonesia

Pak sekretaris RT lah binguang sarato galisah. Pak Ketua RT tampaknyo lah mulai naiak burangsangnyo. Apolai tiok diundur hari rapek, tiok bakurang urang nan hadir. Indak saba agaknyo lai. Naiak berangnyo.

Scroll kebawah untuk lihat konten

"Apak-apak, kok bantuak iko pamaleh datang rapek, bilo ka maju kampuang Awak. Ko sabanyak iko kito datangnyo, untuak apo gunonyo rapek ko. Padohal Apak-apak lah diundang jauh-jauah hari, tapi banyak juo nan indak datang. Apolai tiok diundur hari rapek, tiok bakurang urang nan datang. Kok bantuak iko kito nan datang, yo indak ado gunonyo kito adokan rapek," kecek Pak Ketua RT berang-berang.

Dek mandanga Pak Ketua RT berang langsuang Awak tagak-an dulu kerah baju Wak. Wak cubo batanyo elok-elok.

"Pak Ketua RT Awak nak batanyo ciek. Siapo nan Pak Ketua RT berangkan?" tanyo Wak lunak-lunak.

Baca juga: Siapkah Anak Kita Memasuki Dunia Coding dan AI?

"Iyo tantu Ambo berang ka urang nan indak datang rapek," jawek Pak Ketua RT.

"Kalau mancaliak Pak Ketua RT berang tadi, labiah rancak kami indak datang rapek. rasonyo iyo manyasah rasonyo kami datang mah," kecek Awak.