(17) KURENAH AWAK
Ermanto Tolantang
Kawan ka Maambiak Absen Goro, Wak Tagahan Inyo Berang
Baru sajo istirahat gotong royong, kawan-kawan warga basasak ka dakek Pak Lurah jo Pak Sekretaris Lurah. Kawan nan duduak samo jo Awak langsuang inyo mangajak Wak.
Advertisement
Scroll kebawah untuk lihat konten
"Awak capeklah kito maambiak absen lai. Kalau kito indak maambiak absen, berang Pak Lurah beko," kecek kawan tu."Kawan, malah mungkin tajadi sabaliaknyo. Kalau kito maambiak absen, kito malah nan kanai berang dek Pak Lurah," kecek Awak bajaleh-jaleh sambia managak-an kerah baju Wak nan kareh.
"Apo kecek Awak ko. Salai ka mangecek sae muncuang Awak mah. Kini Awak nan binguang ko atau Ambo nan binguang ko," kecek Kawan tu.
"Dangalah dek Kawan dulu. Kalau diambiak tu berang Pak Lurah. Kan paguno dek Pak Lurah tu," kecek Awak loh.
"Kok baitu, Ambo ubahlah. Molah kito maisi absen lai," kecek kawan Wak.
