(16) KURENAH AWAK
Ermanto Tolantang
Pagiko Hampia Wak Bacakak jo Kawan nan Maanta-an Jawi
Dunsanak pagi ko di kalurahan kami ka gotong royong. Sebagai warga nan elok, rancana Wak ka pai gotong royong.
Advertisement
Scroll kebawah untuk lihat konten
Baru wak ka barangkek dari rumah, lewatlah kawan Wak tamasuak urang bagak di kampuang. Rambuik karitiang, itam tinggi badagok. Inyo bairiang jo jawi jantannyo. Mungkin ka maantaan ka parak mungkin mah. Awak bae manyapo."Wai mande, gadang itam badagok baruaknyo mah," kecek Awak manyapo sambia maangkek kerah baju Awak bantuak biasonyo.
Langsuangnyo baleh dek kawan Wak tu.
"Woi mande, lai ndak sadang angek kapalo Awak ko? Lai indak tasapo sadang mandi tadi ko? Sajaleh itu Jawi, bakecek-an pulo Baruak gadang badagok gai," baleh kawan Wak mangecek-an Awak gilo mah atau lah maleset mungkin mah.
"Indak gilo gai Awak do. Awak jaleh sadang mengecek jo Jawi ko tadinyo," kecek Wak santai sajo. Wak diam sajo lai.
