(10) KURENAH AWAK
Ermanto Tolantang
Buya Maraso Tasuduik dek Awak, Soal Kaji
Pagiko di wakatu subuah, baru sajo Buya salasai maagiah santapan rohani, Awak langsuang duduak dakek Buya. Baru sajo, Awak mandakek, Buya langsuang mangecek.
Advertisement
Scroll kebawah untuk lihat konten
"Masih ado ceramah Buya tadi nan salah dek Awak? Buya kan lah baulang-ulang manggunokan kato salat tadi mah. Buya indak ka manggunokan kato sumbayang lai," kecek Buya mambela diri. Awak tagalak sangenek sambiah maangkek kerah baju Awak surang."Masih ado Awak nan indak sapandapek jo Buya," kecek Awak sacaro santun.
"Oooo berarti Awak lah babeda surau jo babeda guru mah jo Buya. Soal apo tu Awak nan indak sapandapek jo kaji Buya tadi?" tanyo Buya.
"Awak indak satuju jo Buya nan mangato-an bahaso salat itu adolah hal nan partamo dalam iduik sasuai jo ajaran agamo kito," kecek Awak.
"Mukasuik Awak. Pandapek jo kaji Buya tadi salah?" tanyo Buya ka Awak.
