(21) KURENAH AWAK
Ermanto Tolantang
Strategi Awak Diketahui, Mako Bini Berang-berang
Dek Awak salah strategi atau mungkin dek strategi Awak lah tabaco dek Bini, makonyo Bini Awak berang-berang tadi malam. Akibaiknyo, Awak tapaso mandanga ceramah perai dari Bini sampai pukua duo baleh malam. Dunsanak iyo bana ceramah perai. Sahinggo indak bisa lalok incek mato Awak sampai pagi.
"Ehe lah pukua salapan, kiroe Bunda. Ayah pai rapek ka rumah Pak RT malam kini ko Bunda," kecek Wak Bunda. Tapi dek bahadapan jo Bunda, indak talok dek Awak maangkek kerah baju Wak doh.
"Baa loh Bunda curiga bantuak itu. Picayolah Bunda. Ayah iyo pai rapeknyo. Ayah lah bajanji bananyo jo Pak RT sato rapek," kecek Awak mayakinkan Bunda. Eh malah dijawek Bunda jo batambah curiga.
"Iyo Ayah, pailah. Pak RT sadang di rumah bana kini mah Ayah! Pak RT kan sadang di Jakarta dek anaknyo wisuda kini mah Ayah! Makonyo Pak RT sadang di rumah bana kininyo tu!" kecek Bunda mambuek Awak pura-pura tasendak sajo lai.
"Astagfirullah iyo kironyo Bunda. Pak RT sadang di Jakarta. Bararti indak jadi rapek tudo," kecek Awak mambela diri.
"Rancak Ayah tarui sajolah pai rapek. Kok rapek di mano-mano sajolah. Kok rapek di rumah jan... tu gai rapeknyo. Acok-acok sajolah Ayah tu rapek. Kapan paralu Ayah tu rapek tiok malam," kecek Bunda batambah mancirotet panjang.
